ՎՍՀ-ում Հայաստանի Հանրապետության դեսպան Վահրամ Կաժոյանի հանդիպումը ՎՍՀ ԱԺ արտաքին հարաբերությունների հանձնաժողովի փոխնախագահ Նգույեն Ման Տիենի հետ։

14 հունիսի, 2023

Ս.թ. հունիսի 14-ին ՎՍՀ-ում ՀՀ դեսպան Վահրամ Կաժոյանը հանդիպեց ՎՍՀ Ազգային Ժողովի արտաքին հարաբերությունների հանձնաժողովի նախագահի տեղակալ, Վիետնամ-Հայաստան բարեկամության խորհրդարանական խմբի նախկին համանախագահ պարոն Նգույեն Ման Տիենի հետ:

Հանդիպման ընթացքում կողմերը քննարկեցին Հայաստանի և Վիետնամի միջև օրենսդիր մարմինների, երկուստեք հետաքրքություն ներկայացնող ոլորտներում համագործակցության զարգացման ու խորացման, իրավապայմանագրային դաշտի ընդլայնման, երկու երկրների միջև ուղիղ օդային հաղորդակցության հաստատման, Վիետնամ-Հայատան բարեկամության խորհրդարանական խմբի ստեղծման հնարավորությունները և այլ հարցեր:

Հանդիպման ընթացքում դեսպան Կաժոյանն անդրադարձավ Հայաստանի և Վիետնամի քաղաքների և նահանգների միջև համագործակցության զարգացման ու խորացման հարցին՝ նշելով, որ նախագծային փուլում են գտնվում Գյումրի-Հո Շի Մին, Վանաձոր–Դանանգ քաղաքների միջև քույր-քաղաքների փոխըմբռնման հուշագրերը:

ՎՍՀ Ազգային Ժողովի արտաքին հարաբերությունների հանձնաժողովի նախագահի տեղակալ պարոն Նգույեն Ման Տիենը կարևորեց Վիետնամ–Հայաստան բարեկամության խորհրդարանական խմբի ստեղծումն, ինչպես նաև երկու երկրների միջև իրավապայմանագրային դաշտի ընդլայնումը, ինչը հնարավորություն կտա էլ ավելի զարգացնել ու խորացնել Վիետնամի և Հայաստանի միջև հարաբերությունները:

Հանդիպմանը հայկական կողմից մասնակցում էր դեսպան Կաժոյանի օգնական տիկին Տամ Նգույենն, իսկ վիետնամական կողմից՝ ՎՍՀ Ազգային Ժողովի արտաքին հարաբերությունների հանձնաժողովի փորձագետներ՝ տիկին Ֆամ Թի Նյոք Հան և տիկին Նգույեն Թույ Դուոնգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր